» » हिन्दी र हामी


-सीताराम अग्रहरी

एकजना प्रखर युवा मधेशी अभियन्ताले सोधे, मधेशमा भाषाको बारेमा तपाईको विचार के छ ? निसन्देह मातृभाषाको त विकल्प नै छैन तर सम्पर्क भाषावारे स्पष्ट हुनुपर्छ । मधेशको एउटा तप्का निकै संकीर्णता छ । भाषा र जाती यो दुई फाँटमा यथार्थवादी भएनौ भने यहाँ कहिल्यै सार्थक एकता हुन सक्दैन । 


केही व्यक्तिले जति रिस गरे पनि हिन्दी मधेशको सम्पर्क भाषा हो नै । यही विषयमा करीव २० वर्ष अघि एक मैथिली साहित्यकारसँग मेरो बहस भएको थियो । राजधानीको एक अखवारमा उनले तराईको सम्पर्क भाषा नेपाली हो लेखेर चाकरी गरेका थिए । मैले उनलाई भने, ल जाउँ तराईका ग्रमीण क्षेत्र (ग्रास रुट) मा सर्वेक्षण गरौं, त्यहाँ भानुभक्तका रामायण बुझ्दा रहेछन् वा तुलसीकृत रामचरित्र मानस ?


उनले आफ्नो भूल स्वीकारे । नेपालमा हिन्दीविरोध पछाडि एउटा मानसिकता छ, रुग्ण मानसिकता, कम्पलेक्स छ, ईर्ष्या छ, हीनतावोध छ । तपाईँ आफूलाई ठीक बनाउनुस सबै ठीक भैहाल्छ नि । साच्चै भन्नै हो भने अंग्रेजीले अहिले सबै भाषालाई खाइरहेछ । जहाँसम्म मधेश तराईको कुरा छ, मैथिली, अवधी, भोजपुरी भाषीहरु आपसमा संवाद कसरी गर्छन ? यहाँसम्म कि हामी स्कूलमा पढ्दा थारु साथीहरुसँग हिन्दीमा कुरा गर्थ्यौं ।


अर्को कुरा, आफूलाई साहित्यकार भनाउनेहरु हिन्दीको विरोध गर्छन् , किन ? आफ्नो भाषाको माया गर्नु एउटा कुरा हो तर त्यसको अर्थ अरु भाषासँग शत्रुता गर्न जरुरी छ र ? भाषाले बैर गर्न सिकाउँछ र ? हिन्दीको नेपालमा इतिहास छ, बिस १९९७ सालमा वीर शुक्रराज शास्त्रीलाई फाँसी दिंदा उनका पिताले आफ्नो छोराको लाशको प्रदक्षिणा गर्दै भनेका थिए, साबाश बेटा मुझे तुम पे गर्व है ।


मधेशमा अहिले कतै न कतै भाषा राजनीति चर्काउने प्रयास भइरहेकोछ खाशगरी मिथिलामा । यता हिन्दी नहुने उता हिन्दी मैथिली सँगसँगै हिड्न सक्ने । उता राजकमल चौधरी, बावा नागार्जुनहरु मैथिली हिन्दी दुवैका साहित्यकार हुनसक्ने यता नमिल्ने ? म त ठान्छु, नेपाली र हिन्दी समेत पनि विपक्षी होइनन् पूरक हुन अझ सहोदर नै हुन् । मैथिली भोजपुरी अवधी थारु भाषाहरू त सहोदरमै खास । तैपनि मानिसहरू नबुझेर हो, डराएर हो, डाहवश हो वा आफ्नो पसल चलाउन अंधविरोध गरिरहेका हुन्छन् । म हिन्दीवादी कुनै अभियानमा संलग्न छैन , जरूरी पनि छैन । 


यो आफै आउँछ, हिन्दी सिनेमा, साहित्य, सीरियल, रियलिटी शो, गीत, संगीतले काम गरिरहेछ । ठाकरे र शिवसेनाको तमाम विरोधका बाबजूद बलिउड र हिन्दी फैलिरहेछ । साउथका मूभि हिन्दीमा डबिंग भैरहेछ र यो के पहाड के तराई नेपालमा समेत लोकप्रिय छ । यसरी दक्षिण भारत नेपालसम्म पुगिरहेछ भाया हिन्दी । म त भन्छु छाडौं द्वेषभाव मातृभाषामा राम्रो फिल्म बनाउँ र हिन्दीमा डब गरौं नया ढोका खुल्ने छ सम्भावनाको ।

-


(सीताराम अग्रहरी गोरखापत्रका पूर्व प्रधानसम्पादक हुनुहुन्छ)


About ESAHARATIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..