» » जसपा नेपालले आफ्ना कार्यकर्ता तथा नेतालाई यसरी लगायो लगाम

काठमाडौं साउन २७ गते । नव गठित जनता समाजवादी पार्टी नेपालले आफ्ना नेता तथा कार्यकर्तालाई आचारसहिंतामार्फत कस्ने काम गरेको छ । 


पार्टीले १२ बुँदे आचारसहिंता लागु गर्दै पार्टीमा जथाभावी बोल्न तथा लेख्न नपाउनुको साथै पार्टीको विना जानकारी कुनै कार्यक्रममा सहभागी पनि हुन नपाउने तथा अन्तराष्ट्रिय कार्यक्रममा सहभागी हुन विदेश जानु पर्दा पार्टीसँग अनुमति लिएर मात्र जाने पार्टीले आचारसहिंतामार्फत निर्देशन दिएको छ ।


पार्टीले जारी गरेको आचारसहिंता कसैबाट उल्लघंन भएमा पार्टीको विधान अनुसार कारवाही गर्ने पनि भनिएको छ । 


संघीय परिषद्, केन्द्रीय समिति, केन्द्रीय राजनीतिक समिति। केन्द्रीय कर्याकारी समिति, प्रदेश समिति, स्थानीय तह लगायत पार्टी समितिहरुका नेतृत्वमा रहन हुने सम्पूर्ण सदस्यहरुले पार्टीको घोषणापत्र, विधान, नियमावली पार्टीका सर्वोच्च निकायले गरेका निर्णयहरु र निर्देशनलाई अनिवार्य रुपले पालना गर्नुपर्ने सहिंतामा उल्लेख गरिएको छ ।


त्यस्तै पार्टीले गरेका निर्णयहरुको सम्बन्धमा आफूलाई चित्त नबुझेको खण्डमा आफू संगठित रहेको समितिभित्र मात्र आफ्नो धारणा लिखित वा मौखिक रुपमा राख्न पाउनेछन् । त्यसको विरुद्धमा बाहिर जस्तै समाजिक सञ्जाल, पत्र पत्रिका, टेलिभिजन तथा अन्य सञ्चारमाध्यममा प्रचार प्रसार गर्न पूर्ण रुपमा रोक लगाइएको छ ।


त्यति मात्र होइन, पार्टीको धारणा भनेर आफ्नो विचार र धारणा व्यक्तिगत रुपमा राख्न पनि सो पार्टीले रोक लगाइएको छ । पार्टीको आधिकारीक धारणा पार्टी प्रवक्ता वा तोकेको व्यक्तिबाट मात्र सार्वजनिक गर्ने आचारसहिंतामा भनिएको छ । 


पार्टी नेतृत्वमा रहेर कुने पनि व्यक्तिले गल्ती गरेको वा पार्टी हित विपरित कार्य गरेको लागेका सम्बन्धित समितिको बैठकमा अनुमति लिएर मात्र सप्रमाण सम्मानजनक रुपले मात्र आफ्नो धारणा राख्नु पाउने छन् । त्यसैगरि, कुने पनि माथिल्लो समितिको साथीको आलोचना तल्लो समितिमा गर्न र गराउनु नहुने पनि आचारसहिंतामा उल्लेख गरिएको छ । 


पार्टीको आधिकारिक निर्णय वा अनुमति नलिई अनाधिकृत रुपमा अर्काको कार्य क्षेत्र वा जिम्मेवारी वा क्षेत्राधिकारमा हस्तक्षेप गर्ने वा अन्य कुने गतिविधि गर्न नपाइने पनि पार्टीले भनेको छ । 


पार्टी विरुद्ध भ्रम फैलाउने, पार्टीको आन्तरिक एकतालाई कमजोर पार्ने , पार्टी नेता तथा कार्यकर्ता विरुद्ध गलत एवं भ्रमात्मक प्रचार गर्ने, गराउने वा समाजिक सञ्जाल तथा सञ्चारमाध्यमद्धारा अभिव्यक्ति दिने वा दिन लगाउने, व्यक्तिगत स्वार्थ परिपूर्तीका लागि पार्टीभित्र गुट उपगुट खडा गर्ने, एक अपसमा मतभेद तथा वैमस्यता उत्पन्न गराई आपसी दुरी बढाउने, आफूलाई मन नपर्ने नेता कार्यकर्ता विरुद्ध जथाभावी बोल्ने, पार्टी नीति, सिद्धान्त र विधान विपरित कार्य गर्ने, पार्टी रहेर पनि पार्टीहित विपरित गतिविधि र कार्य गर्ने, पार्टी विरोधीसँग आन्तरिक रुपमा साँठगाँठ गर्ने, पार्टी गोपनियता भंग गर्ने र पार्टी भित्रका आन्तरिक गतिविधि सम्बन्धी सूचना बाहिर लैजाने, पार्टीभित्र हुने गरेका आन्तरिक अन्तरविरोधलार्य हल गर्नुको सट्टा चर्काउने र एकअर्का विरुद्ध उपयोग गर्ने जस्ता कार्य अत्यन्त घृणित कार्यहरु रहेको आचारसहिंतामा उल्लेख गरिएको छ । 


कसैले पनि यस्ता निन्दनीय कार्य गर्न गराउन वा गर्न प्रोत्साहन नगर्नमा पूर्ण रुपमा रोक लगाएको छ । 


प्रत्येक पार्टी सदस्य संगठनको अन्तर्गत रहनु पर्दछ र अल्पमत, बहुमतको फैसला मान्नुपर्ने आचारसहिंतामा भनिएको छ । त्यसैगरि, पार्टी समितिका सदस्य साथीहरुले एक अर्को समितिमा साथीहरुसँग सोझै राजनीतिक वा संगठनात्मक रुपले सम्पर्क राख्नु हुँदैन । 


आवश्यक परेमा प्रत्येक स्तरको कार्यालय वा आफू संगठित रहेको समितिमार्फत राख्नु पर्ने भनिएको छ । 


कुनै पनि अन्तर्राष्ट्रिय संगठन, संघ संस्था र कुटनीतिक नियोगले मलुकभित्र वा बहिर आयोजना गरिएको कार्यक्रममा प्रतिनिधित्व गर्न वा सहभागी हु पर्ने भएमा पार्टीको केन्द्रीय कार्यालयलार्य सो कार्यक्रम बारे विस्तृत जानकारी गरार्य सहभागी हुनु भन्दा अगावै पार्टीको अनुमति वा पूर्व स्वीकृत लिनु पर्ने आचारसहिंता उल्लेख गरिएको छ । 


About SAHARA TIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..