» » पार्टी दर्ता गराउनका जसपाका नेताहरु आयोगमा

काठमाडौं जेठ २५–समाजवादी पार्टी र राष्टिज जनता पार्टी नेपालबीच एकीकरण गरी बनेको जनता समाजवादी पार्टी नेपालका नेताहरु पार्टी दर्ताका लागि निर्वाचन आयोग नेपाल पुगेका छन् ।

पाँचजना पदाधिकारीसहित ५२ जनाको नाम राखेर पार्टी दर्ता गराउन लागेको छ ।

बैशाख १० समाजवादी पार्टी र राजपा नेपालबीच एकीकरण भएको थियो । एकीकरणको बारेमा आयोगलाई जानकारी गराए पनि पार्टी दर्ता भएको थिएन ।

 निर्वाचन आयोगलाई जानकारी गराएको ४५ दिनभित्र पार्टी दर्ता हुनुपर्ने प्रावधान रहेको छ । ठिक ४५ दिनपछि पार्टी दर्ताका लागि जसपा नेताहरु आयोग पुगेका छन् ।

दुवै पार्टीबाट २६–२६ जना नेता केन्द्रीय समितिमा राखेका छन् । पार्टीको एक नम्बरमा अध्यक्षमा महन्थ ठाकुरको नाम राखेको छ भने दोस्रो नम्बरमा संघीय परिषद्को अध्यक्षमा डा.बाबुराम भट्टराईलाई राखिएको छ भने तेस्रो नम्बरमा केन्द्रीय समितिको अध्यक्षमा उपेन्द्र यादवलाई राखिएको छ भने चौथो र पाँच नम्बरमा वरिष्ठ नेतामा अशोक राई र राजेन्द्र महतोलाई राखिएको छ । अरु सबैलाई केन्द्रीय सदस्यमा राखिएको छ ।    

About ESAHARATIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..