» » रुपियाँ फ्यालेर भाग्ने महिलामा कोरोना पोजेटिभ

जनकपुर वैशाख ६ गते । जनकपुरमा पैसा फालेर भाग्ने महिलामा कोरोना भाइरस संक्रमण देखिएको छ ।
शुक्रवार पैसा फालेर भागेको आरोपमा जनकपुरका प्रहरीले ती महिलालाई शनिवार पक्राउ गरी कोराना भाइरस परीक्षण गर्दा नतिजा पोजेटिभ आएको छ ।

प्रादेशिक अस्पताल जनकपुर स्रोतका अनुसार सो अस्पतालमा आज उनीहरुको आरडिटी परीक्षण गर्दा रिपोर्ट पोजेटिभ देखिएको छ ।


उनीहरुको अहिले पिसिआर विधिबाट टेस्ट भइरहको छ । शुक्रबार जनकपुरको महावीर चोक स्थित पेठीया बजार जाने सडकमा १० को नोट फालेर उनीहरु भागेका थिए ।

भागेपछि सीसीटीभी भोटेजको आधारमा उनीहरुलाई खोज्ने काम प्रहरीले गरिरहेको थियो । स्थानीयको सूचनाका आधारमा शनिवार जानकी मन्दिरको छेउबाट उनीहरुलाई पक्राउ गरेको थियो ।

पक्राउपछि समान्य सोधपुछ गरी उनीहरुलाई प्रादेशिक अस्पतालमा जाँचका लागि पठाइएको थियो ।

 दुवैजना नातामा नन्द र भाउजु रहेको प्रहरीले जनाएको छ ।

कोरोना भाइरसको महामारी चलिरहेको हुनाले ती महिला त्यो भाइरस नै छाडेर भागेको आशंका धेरैले गरेका थिए । भाइरस पोजेटिभ भएपछि जनकपुरका जनता त्रसित भएका छन् । उनीहरुले जहाँ जहाँ पैसा फालेको थियो ती सबैतिरका जनता भयभित भएका छन् ।

पक्राउ पर्नेमा धनुषा धनौजी गाउँपालिकाका ५ बहुअर्वा बस्ने ५० वर्षीय अमुना खातुन र उनका नन्द वडा नम्बर ७ बस्ने अनिला खातुन रहेकी छिन् ।

हिजो मात्र उदयपुरबाट १२ जना भारतीय मुस्लिममा कोरोना भाइरस पोजेटिभ देखिएको थियो । यसअघि तीनजना भारतीय मुस्लिम पर्सामा पनि कोरोना भाइरस संक्रमित भेटिएका थिए । दिल्लीबाट थुप्रै मुस्लिम जमातीहरु नेपाल छिरेका छन् । र, त्यसको असर विस्तारै विस्तारै देखि रहेको छ ।


About SAHARA TIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..