अपरहण सम्बन्धी उजुरी दिन उपेन्द्र यादवसहितका नेताहरु पुगे प्रहरी परिसर

काठमाडौं वैशाख १४ गते । पूर्वप्रहरी महानिरीक्षक (आईजीपी) सर्वेन्द्र खनालसहित सांसदद्वय महेश बस्नेत र किसन श्रेष्ठ विरुद्ध प्रहरीमा उजुरी दिन नेताहरु काठमाडौं प्रहरी परिसर पुगेका छन् ।

जनता समाजवादी पार्टी,  नेपालका नेता डा. बाबुराम भट्टराई, उपेन्द्रलगायत, उजुरी दिन आइतबार परिसर पुग्नु भएको हो ।

खनालसहित बस्नेत र श्रेष्ठमाथि तत्कालीन समाजवादी पार्टीका सांसद सुरेन्द्र यादवलाई महोत्तरीबाट अपहरण गरेर काठमाडौं ल्याएको आरोप लागेको छ । अपहरणमा परेका भनिएका यादव पनि सँगै प्रहरी परिसर पुग्नु भएको हो । 

गत बुधबार महोत्तरीस्थित घरमै रहेका यादवलाई उहाँहरुले काठमाडौं ल्याउनु भएको थियो भने त्यसको भोलिपल्ट यादव होटल मेरियटबाट भागेर पार्टीको सम्पर्कमा पुग्नु भएको थियो । 
यता पार्टी फुटका लागि सांसद नै अपहरणमा परेपछि बुधबार राति नै समाजवादी पार्टी र राजपा नेपालबीच एकीकरण गरेर जनता समाजवादी पार्टी, नेपाल गठन गरिएको थियो ।
–रातोपाटी