» » नेम्वाङ सभामुख बन्ने पक्का

काठमाडौं पुस ९ गते । प्रतिनिधिसभाका लागि सभामुख सुवाष नेम्वाङ हुने लगभग पक्का भएको छ । नेपाल कम्युनिस्ट पार्टी (नेकपा) का अध्यक्षद्वय केपी शर्मा अ‍ोली र पुष्पकमल दाहाल ‘प्रचण्ड’ सहमत भएपछि नम्वाङ सभामुख बन्ने पक्का भएको छ ।

पुस ११ गतेदेखि सभामुख र उपसभामुख चयन गर्ने प्रकृया हुँदैछ । त्यसअघि नेकपाका दुईजना अध्यक्षले नेम्वाङलाई सभामुख बनाउने सहमति गरेको बालुवाटार स्रोतले जनाएको छ । उपसभामुख रहनु भएको शिवमाया तुम्बाहाम्फेले पनि राजिनामा दिने मुड बनाई सक्नुभएको छ । यद्यपी यो कुरा सार्वजनिक भएको छैन ।


राष्ट्रपति विद्यादेवी भण्डारीले तुम्बाहाम्फे सभामुख बन्नुपर्ने दवाव अध्यक्षद्वयलाई दिइरहनु भएको थियो तर अध्यक्षद्वय ओली र प्रचण्डले सभामुखको नेम्वाङको लागि सहमति भइसकेको भनेपछि अहिले राष्ट्रपति भण्डारी पनि शान्त हुनुभएको छ । शिवमाया तुम्बाहाम्फेलाई उपसभामुखबाट राजिनामा दिन लगाएपछि कानुन मन्त्री बनाउने सम्भावना बढेको बालुवाटार स्रोतले जनाएको छ ।

कृष्ण बहादुर महराले संसदीय सचिवालयका महिला कर्माचरीलाई दुरव्यवहार गरेको कारण थुनामा गएपछि सभामुख पद खाली भएको थियो । सभामुख र उपसभामुख फरकफरक पार्टीलाई दिने कानुनमा उल्लेख भएको कारण नेकपाले सभामुख आफैसँग राखेपछि उपसभामुख अरु पार्टीलाई दिनुपर्ने भएकाले तुम्बाहाम्फेलाई राजिनामा दिनु परेको छ ।

यता, सभामुखका लागि तत्कालिन माओवादी केन्द्र पक्षले दावी गर्दै आएको छ । महरा तत्कालिन माओवादीको तर्फबाट सभामुख भएको हुनाले अहिले पनि सोही पक्षबाट हुनुपर्ने दावी गर्दै आएको छ ।

About ESAHARATIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..