» » नागरिक उड्डयनले किन गर्छ मधेशी सांसदसँग यस्तो व्यवहार ?

प्रदेश २ प्रदेश सांसद डा.रिना यादव
काठमाडौं असोज २८ गते । राष्ट्रिय जनता पार्टी, (राजपा) नेपालका संघीय सांसद प्रमोद साहले उडान ढिलाई गरेको कारण बुद्ध एयरप्रति आक्रोशित भएपछि थुनामा बस्ने अवस्था आयो ।

 नागरिक उड्डयन प्राधिकरणले प्रमोद साहसँग मात्र होइन अन्य मधेशी नेता, सांसद, मन्त्री, सर्वसाधारणसँग यस्तै व्यवहार गर्दै आएको थियो । एयरपोर्टमा जाँदा अरुसँग गर्ने व्यवहार र मधेसीसँग गर्ने व्यवहारमा फरक देखिन्छ ।

अन्तरराष्ट्रिय विमानस्थल होस् वा डोमेस्टिक विमानस्थल होस् त्यहाँ मधेशीलाई गर्ने व्यवहारमा फरक देखिएको अनुभव प्रदेश २ का राजपा नेपालका सांसद डा.रिना यादवसँग छ ।

मधेशीलाई देख्ने वित्तिकै शंको दृष्टिले हेर्ने र विभिन्न खालको केरकार गर्ने गरेको उहाँले आफ्नो अनुभव सुनाउनुभयो ।

असोज २४ गते आफ्नो छोरालाई भारतको लागि विदाई गर्न जाँदा अन्तरराष्ट्रिय विमानस्थलमा नागरिक उड्डयन प्राधिकरणका कर्मचारीले दुरव्यवहार गरेको घटना उहाँले सुनाउनु भयो ।

 उहाँ प्रदेशका सांसद हुनुहुन्छ, छोरालाई विदाई गर्नका लागि जानका लागि भिआपी कार्ड माग्दा नागरिक उड्डय प्राधिकारणका कर्मचारीले छोरालाई विदाई गर्नका लागि माथी जान कार्ड चाहियो भने प्रदेश २ का प्रदेशसभा सभामुखबाट पत्र लेखाएर ल्याउन सांसद यादवलाई भन्नुभएको थियो । आफूसँग प्रदेशसभाको कार्ड छ भने किन चाहियो पत्र भनि प्रतिवाद गर्दा पनि त्यो कर्मचारीले नमानेको सांसद यादवले बताउनुभयो ।

फोनको भरमा, व्यक्तिगत चिनजानको आधारमा जो कोहीले कार्ड पाएर भिआइपी कक्षदेखि माथिसम्म गइरहेका हुन्छन् तर आफूलाई मधेशी देखेर त्यस्तो व्यवहार गरेको सांसद यादवले बताउनुभयो ।
संघीय सांसद प्रमोद साह

कर्मचारीले नमानेपछि सांसद यादव त्यहाँको प्रमुखलाई भेट्न जानु भएको थियो । प्रमुखलाई भेट्नै लाग्दा त्यतिबेलासम्म सांसदका छोरा माथि गएर सबै प्रकृया पुरा गरि जहाज चढेर हिडिसकेका थिए ।

कर्मचारीको व्यवहारका कारण सांसद यादवले आफ्नो छोरालाई विदाईसम्म गर्न पाउनुभएन । अन्तिममा एयरपोर्टका नागरिक उड्डयनका प्रमुखले सांसदसँग माफी माग्नुभएको थियो । तर त्यो माफी माग्नुको अर्थ रहेन ।
संघीय सांसद प्रमोद साहसँग पनि त्यस्तै व्यवहार भएको सांसद यादवले भन्नुभयो ।

सांसद साह जनताका लागि बोल्नु भएको हो, आफ्नो लागि होइन, तर नागरिक उड्डयन प्राधिकरणले माफी माग्नुको सट्टा उल्टै मुद्दा चलाएर समात्न लगाएको सांसद यादवले बताउनुभयो ।

एकजना विरामीको पीडा सहन नसकेर सांसद साह आक्रोशित भएको भन्दै प्रदेश सांसद यादवले राज्यले मधेशलाई हेर्ने दृष्टिकोणमा परिवर्तन नभए यस्ता घटनाहरु भइरहने र मधेशीहरु पीडित भइरहने उहाँले बताउनुभयो ।   

About ESAHARATIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..