» » अनुगमन गर्दै उद्योगमा शिलबन्दी

उर्मिला यादव 
नवलपरासी, असोज १५ गते । पश्चिम नवलपरासीको प्रतापपुर गाउपालिका वडा नम्बर २ मा रहेको शिव पार्वती पानी उद्योगमा शिलबन्दी गरीएको छ ।

प्रशोधित पिउने पानी उत्पादन मापदण्ड सम्बन्धी निर्देशिका २०७४  बमोजिम पुरा गर्नु पर्ने मापदण्ड पुरा नगरी संचालन गरेकोले शिलबन्दी गरीएको जिल्ला प्रशासन कार्यालय पश्चिम नवलपरासीले जनाएको छ ।

जिल्ला प्रशासन कार्यालय पश्चिम नवलपरासीका प्रशासकिय अधिकृत सागर केसीको नेतृत्वमा गएको बजार अनुगमन टोलीले उद्योगमा शिलबन्दी गरेको हो । यस्तै गरी बजार अनुगमन टोलीले बर्दघाट नगरपालिकाको जिमिरेभार देखि प्रतापपुर गाउपालिकाको बिभिन्न बजार क्षेत्रमा अनुगमन गरेको छ । जसमा  खाद्य तथा पेय पदार्थ अन्र्तगतका दुध डेरी  १, मिठाइ पसल २ , पानी उद्योग १ र ८ वटा खाद्य तथा किराना पसलहरुमा अनुगमन गरेको छ ।

त्यस्तै गरी बजार अनुगमन टोलीले खाद्य तथा किराना पसलहरुमा लेबल नभएका र म्याद गुज्रिएका सामानहरु बरामद गरी मुचुल्का बनाइ नष्ट गर्ने प्रकियाको लागी ल्याएको जनाएको छ भने ओम मिष्ठान्न भण्डार प्रतापपुर २ लार्इ सात दिनभित्र किचनको भौतिक अवस्थामा सुधार गरी सो को जानकारी जिल्ला प्रशासन कार्यालय पश्चिम नवलपरासीमा पेश गर्न निर्देशन दिएको जनाएको छ ।

जिल्ला प्रशासन कार्यालय नवलपरासी बर्दघाट सुस्ता पश्चिमका प्रशासकीय अधिकृत सागर केसीको संयोजकत्वमा खाद्य तथा गुण  नियन्त्रण कार्यालयका खाद्य निरीक्षक, घरेलु तथा साना उद्योग कार्यालय नवलपरासी, उपभोक्ता हित संरक्षण मञ्च नवलपरासी, जिल्ला प्रहरी कार्यालय नवलपरासी, पत्रकार, तथा सम्बन्धित स्थानिय तहका प्रतिनिधीहरुको संयुक्त अनुगमन टोलीले मंगलबार जिल्लाको बिभिन्न स्थानमा अनुगमन गरेको जिल्ला प्रशासन कार्यालय पश्चिम नवलपरासीले जनाएको छ ।

About SAHARA TIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..