पत्रकार अनुराग सम्मानित

काठमाडौं भदौं ३० गते । सञ्चारकर्मी अनन्त अनुराग सम्मानित हुनुभएको छ । प्रभुनारायण चौधरी स्मृति प्रतिष्ठानले एबीसी टेलिभिजनमा कार्यरत प्रस्तोता अनन्त अनुराग सहित पत्रकारिता र सांगीतिक क्षेत्रमा योगदान पुर्याउने चार जनालाई आइतबार ‘राष्ट्रिय सम्मानपत्र’ द्वारा सम्मान गरेको हो ।

पत्रकार अनुराग  विगत लामो समयदेखि पत्रकारिता क्षेत्रमा लाग्नु भएको छ । विभिन्न रेडियो, अनलाइन, पत्रपत्रिका तथा टीभीमा काम गर्नुभएका अनुराग हाल एबीसी टेलिभिजनको दैनिक कार्यक्रम एबीसी  वाच र स्टे«ट टकका प्रस्तोता हुनुहुन्छ ।

त्यसैगरि, प्रतिष्ठानले चर्चित समाचार वाचिका प्रतिमा चौधरी, कलाकार लोक पौडेल र दीपक तिवारीलाई पनि सम्मान गरेको छ ।

स्मृतिसभामा प्रतिष्ठानले गरेको गतिविधि समेटिएको स्मारिका लोकार्पण गरिएको छ ।

स्वर्गीय प्रभुनारायण चौधरी नेपालको चर्चित कम्युनिष्ट नेता हुनुहन्थ्यो । उहाँले नेपालका कम्युनिष्ट पार्टीका संस्थापक पुष्पलालसँग कम्युनिष्ट आन्दोलनमा समेत सहभागि भएका थिए । २०६२–६३ जनआन्दोलन २ को समयमा उहाँ सक्रिय भएर सडक आन्दोलनमा सहभागि हुनुभएको थियो ।