» » ब्ल्याक आउट गर्न आह्वान

काठमाडौं भदौं ३० गते । लोक दल पार्टीका अध्यक्ष कौशल कुमार सिंहले असोज ३ गतेको दिनलाई कालो दिनको रुपमा स्मरण गरी साँझ ब्ल्याक आउट गर्न सर्वसाधारणलाई आग्रह गर्नुभएको छ ।

अध्यक्ष सिंहले आज एक विज्ञप्ति जारी गरी २०६२–६३ को जनआन्दोलन, १० वर्षे माओवादी जनयुद्ध, मधेश आन्दोलन, पिछडावर्ग आन्दोलन, थारु आन्दोलन, आदिवासी जनजाति आन्दोलन, दलित, मुस्लिमको संघर्ष विपरित २०७२ साल असोज ३ गते जारी भएको नेपालको संविधानले गरिब, कमजोर, पिछडा वर्गको अधिकारलाई स्थापित नगरेको गुनासो गर्नुभएको छ ।


उहाँले उत्पीडित समुदायको अधिकार सुनुश्चित गर्नुको सट्टा भ्रष्ट, दलाल, सामन्ती पूँजीपति वर्गलाई फाईदा पुग्ने र राज्य सत्तामा भ्रष्ट, दलाल र सामन्तको पकडलाई झन बलियो बनाउने काम गरेको उहाँले टिप्पणी गर्नुभएको छ ।

 मधेशी, पिछडावर्ग, थारु, आदिवासी जनजाति, दलित, मुस्लिम लगायत पछाडी परेका वर्ग, समुदाय र जात जातिहरुको अधिकार, पहिचान र प्रतिनिधित्वलाई समाप्त पार्ने गरी षड्यन्त्रपूर्वक नेपालको संविधान जारी गरिएको उल्लेख गर्दै उहाँले अधिकार, पहिचान र प्रतिनिधित्वको लागि संघर्षरत यी समुदायलाई शासन सत्ताबाट बाहिर राखी सदाकालका लागि राज्य सत्ता कब्जा गर्ने षड्यन्त्र इरहेको उहाँले दावी गर्नुभएको छ ।


संवैधानिक रुपमै दमन, शोषण, अत्याचारलाई कायम राख्ने एकल जातिय बर्चस्व र पहिचानलाई संवैधानिक मान्यता दिई अन्य समुदायमाथि शासन गर्ने सोच र शैलीलाई अहिलेको संविधानद्वारा निरन्तरता दिएको उल्लेख गर्दै उहाँले यो संविधान यथाअवस्थामा मधेशी, पिछडावर्ग, थारु, आदिवासी जनजाति, दलित, मुस्लिम लगायत पछाडी परेका वर्ग, समुदाय र जात जातिको पक्षमा नरहेकोले असोज ३ गते कालो दिनका रुपमा मनाउने निर्णय भएको जानकारी गराउनुभयो ।


उहाँले आफ्नो पार्टीको विज्ञप्तिमा उल्लेख गर्नुभएको छ, ‘२०७२ साल असोज ३ गते हामीमाथि नरसंहार गरी बलजफ्ती यो विभेदकारी संविधान लादिएको तथा हाम्रो पहिचान र प्रतिनिधित्वलाई खोसिएको हो । तसर्थ असोज ३ गते दिनमा आ–आफ्नो घरमा कालो झण्डा फहराऔं र बेलुकी ७ बजेदेखि ७ः१५ बजेसम्म ब्लाक आउट गरौं ।

About SAHARA TIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..