» » मुख्यमन्त्री लालबाबु राउतले भन्नुभयो, केन्द्रीय सरकारले सबै कार्यालयको संरचना अस्तव्यस्त बनाएको छ

धनुषा जेठ १० गते । प्रदेश २ का मुख्यमन्त्री लालबाबु राउतले संघीय सरकारले सबै कार्यालयको संरचनालाई अस्तव्यस्त बनाई नीति र कानूनको अभावको अवस्था सिर्जना गरेको बताउँदै प्रदेश सरकारले सामाजिक परिचालकको समस्या समाधानको बाटो पहिल्याउने बताउनुभयो ।

प्रदेश नं २, उद्योग, पर्यटन, वन र वातावरणमन्त्री रामनरेश यादवले न्यून पारिश्रमिक, सेवाको अस्थिरता र विभेदले सामाजिक परिचालकको भविष्य अन्योल परेको प्रसंग उल्लेख गर्नुभयो ।

कृषि राज्यमन्त्री योगेन्द्र यादवले श्रमको प्रयोग गर्ने तर सम्मान नगर्ने प्रवृत्तिले सामाजिक परिचालकको सेवाप्रति प्रश्न लागेकाले सेवा सुरक्षित गर्ने कानून निर्माणको आवश्यकतामा जोड दिनुभयो । 

असारपछि आफ्नो समाज सेवाको दायित्व र आवश्यकताबारे के होला भनी सामाजिक परिचालकहरू अन्योलमा छन् ।

नौ वर्षदेखि समाजसेवाको दायित्व निर्वाह गर्दै आए पनि सेवाकाल सुरक्षित नहुनाले आफूहरू बिचल्लीमा पर्ने उनीहरुले बताइरहेका छन् । स्थानीय तहमा सधैँ उपेक्षा र सरकारद्वारा अनिश्चियको अवस्थाले सेवाको भविष्य नै संकटमा पर्ने उनीहरुले ध्यानाकर्षण गराएका छन् ।

यहाँ आज आयोजित नेपाल सामाजिक परिचालक कर्मचारी संघ प्रदेश नं २ को प्रथम भेलामा उनीहरुले अब हामी कहाँ जाने, के गर्ने भनी प्रश्न राखे । 

About saharatimes

«
Next
Newer Post
»
Previous
Older Post

No comments:

Leave a Reply

..