» » कृषि मन्त्री यादवले भन्नुभयो, सरकारको निर्णय जनताको हितमा छ

काठमाडौँ, माघ १३ गते । कृषिमन्त्री रामकृष्ण यादवले प्रधानमन्त्री शेरबहादुर देउवा नेतृत्वको सरकारले हालै गरेका निर्णय जनताको हितमा भएकाले ती राम्रा कामहरुको चर्चा परिचर्चा देशव्यापी बनेको बताउनुभएको छ ।

रिपोर्टर्स क्लबमा आज आयोजित साक्षात्कारमा उहाँले ६५ वर्षका वृद्धलाई वृद्ध भत्ता दिने तथा भूकम्पपीडितलाई रु एक लाख वृद्धि गर्ने तथा शहीद घोषणा गर्ने सरकारको पछिल्लो निर्णय धेरै वर्षदेखि अप्ठ्यारोमा रहेका शहीद परिवारका लागि राम्रो पक्ष भएकाले कसैले विरोध गर्नु आवश्यक नभएको बताउनुभयो ।

उहाँले ती निर्णय अब बन्ने सरकारले उल्टाउनुको कुनै तुक नभएको बताउनुभयो ।

नेकपा ९एमाले०का नेता सोमप्रसाद पाण्डेले एमाले र नेकपा ९माओवादी केन्द्र०बीच पार्टी एकता भइसकेको र अब घोषणा गर्न मात्र बाँकी रहेको दाबी गर्नुभयो । उहाँले केही वर्ष अघिसम्म नदीको दुई किनारमा रहेका पार्टी एकै ठाउँमा मिलेको उल्लेख गर्नुभयो ।

नेकपा (माओवादी केन्द्र) का नेता महेन्द्रबहादुर शाहीले एमाले पार्टीको अध्यक्ष पद प्रचण्डलाई दिए मात्र पार्टी एकता हुने बताउँदै पार्टी एकताका लागि फलामको च्यूरा चपाउनु जतिकै गाह्रो भइरहेको छ भन्नुभयो ।

राष्ट्रिय जनता पार्टीका नेता लालबाबु राउतले संविधानमा गम्भीर त्रुटि रहेकाले लामो समयसम्म नयाँ सरकार बन्न नसकेको बताउनुभयो ।

एमालेले संविधानको धारा २७४ सहित जनविरोधी धारा संशोधन गर्न तयार भए मात्र संविधान संशोधनको मुद्दामाथि छलफल चलाउन सकिने बताउनुभयो ।

About saharatimes

«
Next
Newer Post
»
Previous
Older Post

No comments:

Leave a Reply

..