» » पौडेल र निधिको चुपुवामा जितेन्द्र देव


काठमाडौ पुस २७ गते । संघीयता कार्यान्वनयका महत्त्वपूर्ण काम थाती राखेर सरकारकार मन्त्री नियुक्तिमा व्यस्त हुन थालेका छन् । विभिन्न मन्त्रालय मातहतका सार्वजनिक संस्थान तथा निकायमा राजनीतिक नियुक्ति दिलाउने भन्दै मन्त्रीहरूले ‘बार्गेनिङ’ गरिरहनु भएको छ ।

विभिन्न मन्त्रालयले आफूमातहतका निकायका कार्यकारी प्रमुख, महाप्रबन्धक तथा सदस्यसचिव नियुक्त गर्न १५ दिने सूचना जारी गर्नुपर्ने प्रावधानलाई मिचेर सातदिने सूचना प्रकाशन गर्दै आफू निकटलाई नियुक्ति दिलाउन प्रयास थालेका छन् ।

मन्त्रीहरूले आफूनिकटका व्यक्तिको सूची दिँदै नियुक्तिसम्त्रन्धी प्रस्ताव तयार पार्न मन्त्रालयका सचिव, सहसचिवलाई निर्देशन दिन थालेपछि प्रशासनिक अधिकारी तनावमा छन् ।

कतिपय मन्त्रीले सचिवलाई बाइपास गर्दै सहसचिवबाट काम लिन थाल्नु भएको छ । पर्यटन मन्त्रालयअन्तर्गत विभिन्न निकायमा राजनीतिक नियुक्ति दिलाउन कांग्रेसका नेताद्वय रामचन्द्र पौडेल र विमलेन्द्र पौडेललगायतको सूची मन्त्रालयमा पुगेको छ ।

कांग्रेसका नेता पौडेलले देवघाट क्षेत्र विकास समितिको सदस्यसचिवमा आफूनिकट पूर्ण कुँवरलाई नियुक्त गर्न पर्यटनमन्त्री जितेन्द्रनारायण देवसमक्ष सिफारिस गर्नुभएको छ भने निधिले बृहत्तर जनकपुर विकास समितिको अध्यक्षमा आफूनिकट शालिकराम सिंहलाई नियुक्त गर्न सिफारिस गर्नुभएको छ ।

मन्त्री देवले दुवै नेताको सिफारिसअनुसार नियुक्ति प्रक्रिया अगाडि बढाउनु भएको छ ।

त्यस्तै, मन्त्री देव आफैंले लुम्बिनी विकास कोषको सदस्यसचिवमा पूर्व डीआईजी हेम गुरुङलाई नियुक्त गर्न प्रक्रिया अघि बढाउनु भएको छ ।

पर्यटन मन्त्रालय स्रोतका अनुसार लुम्बिनी विकास कोषको सदस्यसचिव नियुक्तिमा लाखौं चलखेल भएको सूचना मन्त्रालयमा आएपछि मन्त्रालयका अधिकारी गुरुङको नियुक्ति गर्न हच्किएका छन् ।

मन्त्री देवकै रुचिअनुसार तारागाउँ विकास समितिको सदस्य सचिवमा देव थरकै आफन्तलाई नियुक्ति गर्ने गृहकार्य अघि बढाइएको भनि आजको अन्नपूर्ण पोस्टमा खबर छ ।

About Suresh Yadav

«
Next
Newer Post
»
Previous
Older Post

No comments:

Leave a Reply

..