» » के भयो राजपा, फोरम र वाम गठबन्धनको बैठकमा ?

काठमाडौं माघ ९ गेत । एमाले र माओवादी केन्द्रले राष्ट्रिय जनता पार्टी, नेपाल र संघीय समाजवादी फोरम, नेपालसँग राष्ट्रिय सभा निर्वाचनमा चुनावी तालमेल गर्न औपचारिक प्रस्ताव गरेका छन् ।

बामगठबन्धनमा आवद्ध दुई दलले मंगलबार विहान राष्ट्रिय सभा निर्वाचनमा तालमेल गर्न राष्ट्रिय जनता पार्टी, नेपाल र संघीय समाजवादी फोरम, नेपालसँग औपचारिक प्रस्ताव गरेको हो ।

प्रदेश नम्बर २ मा स्पष्ट बहुमत पाएको २ दलसँग राष्ट्रिय सभा निर्वाचनमा तालमेल गरेर जाने विषयमा बाम गठबन्धनका तर्फबाट औपचारिक प्रस्ताव गरिएको एमाले नेता सुवाष नेम्वाङले जानकारी दिनुभयो ।

सिंहदरबारस्थित एमाले संसदीय दलको कार्यालयमा भएको छलफलमा राष्ट्रिय जनता पार्टी, नेपाल र संघीय समाजवादी फोरम, नेपाल पनि एमाले नेतृत्वको बामगठबन्धनसँग सहकार्य गरेर जान सकारात्मक देखिएको बताइएको छ ।

छलफलमा एमाले र माओवादी केन्द्रका नेताहरुले केन्द्रिय सरकार निर्माणमा पनि सहकार्य गरेर जान सकिने प्रस्ताव पनि अघि सारेका थिए । राष्ट्रिय जनता पार्टी, नेपाल एमालेसँग सहकार्य गरेर जान इच्छुक भएपनि सहमति भैनसकेको नेता राजेन्द्र श्रेष्ठले बताउनुभयो ।

एमाले र माओवादी केन्द्रले यसअघि नै १३ सिटमा अन्य दलसँग सहकार्य गर्नेगरी राष्ट्रिय सभा निर्वाचनमा जाने निर्णय गरेका थिए । सोही निर्णय अनुसार राष्ट्रिय जनता पार्टी, नेपाल र संघीय समाजवादी फोरम, नेपालसँग पनि चुनावी तालमेलको विषयमा औपचारिक छलफल भएको हो ।

कुन दलसँग तालमेल गर्ने विषयमा अहिले राजपा नेपालका बैठक बसिरहेको छ । 

About saharatimes

«
Next
Newer Post
»
Previous
Older Post

No comments:

Leave a Reply

..