» » सहारा टाइम्स पढेर किन रन्किनुभयो राजेन्द्र महतो ?

काठमाडौ माघ ६ गते । सहारा टाइम्सको समाचार पढेपछि राष्ट्रिय जनता पार्टी नेपाल अध्यक्ष मण्डलका सदस्य राजेन्द्र महतो रन्किनु भएको छ ।

उहाँले समाचार पढेपछि मधेशी पत्रकारमाथि खिनिनु मात्र भएन मधेशी पत्रकारलाई कथाकथित मधेशी पत्रकार पनि भन्नुभयो ।

त्यति मात्र होइन, उहाँले मधेशी पत्रकारलाई दुई पैसे पत्रकार पनि भन्नुभयो ।

राजपा नेपालको पार्टी कार्यालय बबरमहलस्थित पार्टीका संयोजक महन्थ ठाकुरको कार्यकक्षमा उहाँले मधेशी पत्रकारप्रति यस्तो शब्द प्रयोग गर्दै भन्नुभयो, मधेशी पत्रकारहरु जहिले पनि मधेशी दलकै विरोधमै लेख्छन्, के मधेशी दलले सबै गल्ती नै गरेको छ त, सबै कुरा उसको निगेटिभ नै हो त ।’

सहारा टाइम्सलाई देखाउँदै उहाँले भन्नुभयो, यी हेर्नुस् त यसमा एउटा पनि समाचार मधेशको पक्षमा छैन । सबै निगेटिभ समाचार छन् । यो समाचार लेखेर कसलाई खुस पार्न खोजिएको हो, कसको गुलामी गरिरहेको छ, यसरी कहाँ हुन्छ, मधेशी दललाई गाली गरेर मधेशी पत्रकारले पत्रिकारिता गरिरहेका छन् ।’

त्यही कार्यकक्षमा उपस्थित गोरखापत्रका पत्रकार सुरेशकुमार यादवले राजेन्द्र महतोलाई भन्नुभयो, तपाई कसलाई दुई पैसाको पत्रकार भन्नुभयो, कसलाई कथाकथित मधेशी पत्रकार भन्नुभयो, तपाईलाई पनि कथाकथित मधेशी नेता भन्दियो भने के हुन्छ ।’

अनि अध्यक्ष महतोले भन्नुभयो, तपाई मात्र किन रन्किनु भयो तपाईलाई भनेको हुँ र, तपाई मात्र मधेशी पत्रकार हो र, म अरु अरुलाई भनेको छु, पाठकपत्र लेख्नेलाई भनेको छु ।


अनि पत्रकार यादवले भन्नुभयो, म यहाँ छु र म मधेशी पत्रकार भएको कारणले तपाईले मलाई नै भन्नुभएको छ, यदि तपाईले मलाई भन्नुभएको छैन भने अरुलाई पनि दुई पैसे, तथाकथित मधेशी पत्रकार किन भन्नुभयो तपाईले माफी माग्नुपर्छ ।’

अध्यक्ष महतोले राजपा नेपालमा प्रदेश सभा सदस्यमा दलित सदस्य बन्न नपाएकोमा पार्टी दोषी छैन, निर्वाचन आयोग दोषी रहेको पनि धारणा राख्नुभएको थियो । सहारा टाइम्स अनलाइनले   दलित नेता बैठाले भन्नुभयो, ‘पार्टीले सम्पूर्ण मधेशी दलितलाई अपमान गरेको छ’ शीर्षकमा समाचार प्रकाशन गरेको थियो ।

त्यसमा पनि उहाँको आपत्ति थियो । अर्को कुरा सहारा टाइम्सका पाठकपत्रमा सरोजकुमार यादवले कलैयाबाट लेख्नु भएको मधेशी दलको विरुद्धमा विद्रोह भनि शीर्षकमा पनि उहाँको आपत्ति थियो ।

सरोज यादवले मधेशवादी दलले एमालेसँग मिलेर सरकार बनायो भने मधेशी दलको विरुद्ध मधेशमा विद्रोह हुन्छ भनि लेख्नु भएको छ । त्यसमा महतोलाई जित्त बुझेको थिएन । गोरखापत्रका पत्रकार धिरेन्द्र साहले अब मधेशमा आन्दोलन होइन, विकास गरौं भनि शीर्षकका लेखमा पनि उहाँको चित्त बुझेको छैन ।

पाठकपत्र लेख्ने सरोजकुमार यादव को हुन् भनि उहाँले सोध खोज गर्नुभयो । गोरखापत्रका पत्रकार सीताराम अग्रहरीको ‘मैले मधेशवादी दलमा सामन्तवादी सोच पाएँ’ भनि शीर्षकको अन्तरवार्तामा पनि अध्यक्ष महतोको चित्त बुझेको थिएन ।

यी सब कारणले उहाँ मधेशी पत्रकार माथि विभिन्न लाछना लगाउनुभएको पत्रकार यादवको दावी छ ।
नेपाल पत्रकार महासंघका केन्द्रीय सदस्य समेत रहनु भएका पत्रकार यादवले सहारा टाइम्ससँग भन्नुभयो, यदि कुनै समाचारमा चित्त बुझेको छैन भने त्यसको खण्डन गर्नुपर्छ या प्रेस काउन्सिलमा जानु पर्छ पत्रकारलाई बेइज्जत गर्न पाइदैन ।’

सहारा टाइम्स पत्रिका पत्रकार यादवका श्रीमती लाली यादवको नाममा दर्ता छ ।

पत्रकारप्रति अध्यक्ष महतोले गरेको टिप्पणी प्रति सहारा टाइम्सले घोर भत्र्सना पनि गरेको छ ।

About saharatimes

«
Next
Newer Post
»
Previous
Older Post

No comments:

Leave a Reply

..