» » फोरम नेपालका नेता यादव आफ्नो सरकारी जग्गा सरकारलाई दान

सप्तरी पुस २७ गते । संघीय समाजवादी फोरम नेपालका नेता अनिरुद्ध सिंह यादवले आफ्नो दश कट्ठा निजी जग्गा सरकारलाई दान गर्नुभएको छ ।

सप्तरीको बोदेबरसाइन नगरपालिकाको भवन निर्माणका लागि सो जग्गा फोरम नेता यादवले दान गर्नुभयो ।

करिब १५ करोड मूल्य बराबरको सो जग्गामा नगर भवन निर्माण गरिने बोदेबरसाइन नगरपालिकाका प्रमुख अतेशसिंह यादवले जानकारी दिनुभयो । सम्पन्न भएको प्रथम नगर सभाको भेलामा नेता यादवले नगर भवन निर्माणका लागि सो जग्गा दान गर्नुभएको हो ।

दान गरिएको जग्गा बोदेबरसाइन नगरपालिका वडा नं। ५, बोदेबरसाइन बजारमा हुलाकी सडक नजिकै रहेको छ । जग्गा दान गर्ने नेता यादव नगर प्रमुख अतेशसिंह यादवका बुबा हुनुहुन्छ ।

फोरम नेपालका केन्द्रीय सदस्य तथा सप्तरी जिल्लाका इन्चार्ज यादवले जग्गा दान गरेसँगै बोदेबरबाइन नगरपालिकालाई आफ्नो भवन निर्माण गर्न सहज भएको छ ।

राजनीतिक र सामाजिक व्यक्तित्वको रुपमा सप्तरीमा निकै नै चर्चित रहेका यादवले चार महिना अघि ८ कट्ठा दुई धुर जग्गा विद्यालयलाई दान गर्नुभएको थियो । बोदेबरसाइन नगरपालिकामा ५ करोड बराबर लागतको सो जग्गा श्री चन्दर शत्रुधन माविमा प्लस टू भवन निर्माणका लागि दान गर्नुभएको थियो ।

बोदेवरसाइन नगरपालिकाको सम्पन्न नगरसभाबाट आव २०७५, ०७६ का लागि रु ५५ करोड ७८ लाख एक हजार ७०० को अनुमानित खर्च सार्वजनिक गरेको छ । कार्यक्रममा नगरप्रमुख आतेशसिंह यादवले बजेट प्रस्तुत गर्नुभएको थियो । 

About saharatimes

«
Next
Newer Post
»
Previous
Older Post

No comments:

Leave a Reply

..