» » एमालेद्वारा सिरहामा उम्मेदवार सिफारिस


सिरहा वैशाख १५ गते । स्थानीय तह निर्वाचनका लागि नेकपा (एमाले) ले सिरहाका विभिन्न नगरपालिका तथा गाउँपालिकाका लागि उम्मेदवारको नाम सिफारिस गरेको छ ।

सप्तरीको मलेठमा गत फागुन २३ गते भएको झडपपछि सिरहामा अन्य दल जस्तो निर्वाचनको तयारी गर्न नपाएको एमालेले आफ्ना दलका तर्फबाट हुने उम्मेदवारको नाम सिफारिस गर्न सुरु गरेको छ । पार्टीले आफ्नो तल्लो कमिटीलाई सम्भावित उम्मेदवारको नाम सिफारिस गर्न दिएको निर्देशनबमोजिम उम्मेदवारको नाम जिल्ला कमिटीमा आउन थालेको एमाले सिरहाका अध्यक्ष प्रमोद यादवले जानकारी दिनुभयो ।

नेकपा ९माओवादी केन्द्र०बाट केही साताअघि मात्र पार्टी प्रवेश गर्नुभएका मुनि साहलाई लहान नगरपालिका प्रमुखमा उम्मेद्वार सिफारिस गरिएको एमाले सिरहाका सचिव योगेन्द्रप्रसाद सिंहले जानकारी दिनुभयो । एमालेले धनगढीमाई नगरपालिका प्रमुखका लागि उत्तरबहादुर जर्घा मगर, शिवशङ्कर महतो र भगलु महतोको नाम सिफारिस गरेको छ ।

यस्तै सिरहाकै गोलबजार नगरपालिका प्रमुखका लागि योगेन्द्रप्रसाद सिंह, धर्मनाथ महतो र श्याम श्रेष्ठको नाम सिफारिस भएको एमालेका नेताले बताएका छन् । त्यसैगरी सुखीपुर नगरपालिका प्रमुखका लागि रामऔतार यादव र कल्याणपुर नगरपालिका प्रमुखका लागि रामपुकार साहको नाम सिफारिस भएको पार्टी सचिव सिंहले जानकारी दिनुभयो । सिरहा नपामा पार्टीका जिल्ला अध्यक्ष प्रमोदकुमार यादवको नाम चर्चामा रहे पनि अझै टुङ्गो लाग्न नसकेको बताइएको छ ।

त्यस्तै भगवानपुर गाउँपालिकाको अध्यक्षमा एमालेले उग्रनारायण यादव र उपाध्यक्षमा शीला यादवको नाम सिफारिस गरिएको छ भन्ने नवराजपुर गाउँपालिकामा अध्यक्षका लागि सुरेन्द्र यादव र उपाध्यक्षमा सङ्गीता यादवलाई सिफारिस गरिएको छ ।

यसैगरी लक्ष्मीपुर पतारी गाउँपालिका अध्यक्षका लागि देवनारायण साह र उपाध्यक्षका लागि गीता चौधरी, नरहा गाउँपालिका अध्यक्षका लागि रामशरण यादव र उपाध्यक्षमा गुलाबदेवी चौधरीलाई सिफारिस गरिएको एमाले सिरहाले जनाएको छ ।

कर्जन्हा गाउँपालिका अध्यक्षमा रामदयाल महतो र उपाध्यक्षमा अन्जु राईलाई उम्मेद्वार बनाउने तथा विष्णुपुर गाउँपालिका अध्यक्षमा सत्यनारायण यादव र उपाध्यक्षमा ममता सिंहलाई सिफारिस गरिएको एमाले सिरहाले जनाएको छ ।

अन्य बाँकी गाउँपालिकाबाट पनि उम्मेदवारको नाम आउनेक्रम जारी रहेको पार्टी सचिव सिंहले बताउनुभयो ।

 वडा, गाउँपालिका र नगरपालिकाबाट आएको उम्मेदवारको सिफारिस जिल्ला कमिटीले सुझावसहित प्रदेश कमिटीमा पठाउने र प्रदेश कमिटीले त्यसको अन्तिम निर्णय गर्ने प्रावधान रहेको जनाइएको छ ।

सात नगरपालिका र १० गाउँपालिका रहेको सिरहामा तीन लाख ३१ हजार पाँच सय ९६ मतदाता छन् ।

About saharatimes

«
Next
Newer Post
»
Previous
Older Post

No comments:

Leave a Reply

..