» » पर्सामा यस्तो छ चुनावको तयारी


वीरगन्ज, फागुन २३ गते । सरकारले वैशाख ३१ गते स्थानीय तहको निर्वाचनको मिति घोषणा गरेपछि जिल्ला निर्वाचन कार्यालय पर्साले निर्वाचनको तयारी व्यापक रुपमा गर्नुको साथै आचारसंहिताको अनुगमनमा समेत जुटेको छ ।

स्थानीय तह पुनःसंरचना आयोगको प्रतिवेदन हालसम्म नआएकाले मतदान केन्द्र पुनवलोकन गर्ने काम भने हुन नसकेको जिल्ला निर्वाचन अधिकारी हुमनाथ पराजुलीले बताउनुभयो ।

एक उपमहानगरपालिका, एक नगरपालिका र ६६ गाउँ विकास समिति रहेको पर्सा जिल्लाको क्षेत्र नं– १ मा ३२ हजार ७९६ पुरुष, २५ हजार दुई सय महिला तथा चारजना तेस्रो लिङ्गी मतदाता रहेको छ भने क्षेत्र नं–२ मा ३१ हजार ९० पुरुष २३ हजार महिला मतदाता रहेको छ ।

यसैगरी पर्सा क्षेत्र नं–३ मा ३२ हजार ८६२ पुरुष, २३ हजार ७०० महिला तथा पाँचजना तेस्रो लिङ्गी मतदाता छन्, भने क्षेत्र नं–४ मा ३१ हजार ५०५ पुरुष, २३ हजार ७७२ महिला तथा चारजना तेस्रो लिङ्गी छन् भने क्षेत्र नं– ५ मा ३१ हजार ८२१ पुरुष, २५ हजार ५०० महिला तथा चारजना तेस्रो लिङ्गी मतदाता रहेका छन् ।,

स्थानीय निकायअन्तर्गत गाउँपालिका र नगरपालिकाको निर्वाचनलाई दृष्टिगत गरी हालसम्म जिल्ला निर्वाचन आयोगमा ४० वटा राजनीतिक दलहरुले आ–आफनो पार्टी दर्ता गराएका छन् ।

निर्वाचनको मिति घोषणा भएसँगै पर्साको विभिन्न चोक चौरहा, चिया पसल, पान पसलमा निर्वाचनबारे चर्चा परिचर्चा चल्न थालेको छ । मतदाताले विकास निर्माणमा बढी जोड दिने दलका उम्मेदवारलाई प्राथमिकतामा राखेका छन् ।

चुनावलाई सफल पार्न तिनै तहका सुरक्षा योजनालाई कसरी परिचालन गर्नेबारे रणनीति तयार गर्नेबारे छलफल भइरहेको पर्साका प्रमुख जिल्ला अधिकारी केशवराज घिमिरेले बताउनुभयो । 

About ESAHARATIMES

«
Next
Newer Post
»
Previous
Older Post

No comments:

Leave a Reply

प्रकाशकः लाली यादव
सम्पादकः सुनैनाकुमारी यादव
कार्यालयः कोटेश्वर–३२, काठमाडौ
सम्पर्कः ९८४१४५८८०३
इमेलः saharatimes.com.np@gmail.com
प्यान नम्बर ६०९५०२३०५
..