» » अन्तर्राष्ट्रिय औद्योगिक व्यापार मेला तथा प्रविधि प्रदर्शनी वैशाखमा हुने

काठमाडौँ, पुस १३। नेपाल घरेलु तथा साना उद्योग महासङ्घले आगामी वैशाख ७ देखि ११ गतेसम्म १३औँ अन्तर्राष्ट्रिय औद्योगिक व्यापार मेला तथा प्रविधि प्रदर्शनी हुने भएको छ ।
महासङ्घले यहाँ आज पत्रकार सम्मेलन गरी नेपालका थुप्रै युवा वैज्ञानिक र अनुसन्धानकर्ताले गरेको अनुसन्धानलाई प्रोत्साहन गर्नका लागि भृकुटीमण्डपमा मेला आयोजना गरिएको जनाएको छ । महासङ्घका अध्यक्ष श्यामप्रसाद गिरीले देशको अर्थतन्त्रलाई अगाडि लैजान साथै नयाँ प्रविधिको विकास गर्न प्रविधि प्रदर्शनी गर्न लागिएको जानकारी दिनुभयो । उहाँले भन्नुभयो, “मेलाले वर्तमान मुलुकको औद्योगिक अवस्था कस्तो छ भन्नेबारे जानकारी दिन मद्दत पुग्छ ।” महासङ्घले पहिलादेखि नै राष्ट्रिय औद्योगिक प्रदर्शनी गर्दै आए तापनि पहिलोपटक अन्तर्राष्ट्रियस्तरको प्रदर्शन गर्न लागेको गिरीले बताउनुभयो । उक्त मेलामा चीन, भारत, बङ्गलादेश, पाकिस्तान लगायतका मुलुकमा विकास गरिएका प्रविधिलाई समावेश गराइने महासङ्घले जनाएको छ । मेलामा विभिन्न देश र नेपालका गरी ३०० व्यापारिक कक्ष राखिने महासङ्घले बताएको छ । पाँच दिनसम्म चल्ने मेलामा स्वदेश तथा विदेशका एक लाखभन्दा बढीले अवलोकन गर्ने महासङ्घले अपेक्षा गरेको छ । 

About Ajay Sharma

«
Next
Newer Post
»
Previous
Older Post

No comments:

Leave a Reply

..