» » शारिरीक सम्बन्ध राख्न नमानेपछि उषाको हत्या

धनवीर महतो
महोत्तरी, मंसीर ३ गते । केही दिन पहिले महोत्तरी र धनुषाको साँधमा पर्ने बडहरी खोलाको तिलवारीमा वेवारिसे अवस्थामा फेला परेको महोत्तरी बर्दिवास ८ की ३२ बर्षिया उषादेवीकोे शव वीष सेवन नभई हत्या गरि फालिएको मृतकको माईती पक्षको दावी रहेको छ ।

आफ्नै देवर विजयसँग अनैतिक रुपमा शारिरीक सम्बन्ध राख्न नमानेपछि उषाको हत्या गरिएको माईती पक्षले आरोप लगाएको छ । मृतक उषाको श्रीमान विनोद दुई वर्षदेखि वैदेशिक रोजगारको शिलशिलामा मलेसियामा कार्यरत रहनु भएको छ । सोही क्रममा उषाको देवर विजयले वारम्बार अनैतिक रुपमा शारिरीक सम्बन्ध राख्न प्रस्ताव गरिएको आरोप उषाको माईती पक्षको छ ।

मृतकका भाइ सुरेन्द्र महतोले पत्रकार सम्मेलन गरि बहिनी उषाको मृत्यु विष सेवनले नभई हत्या गरिएको दावी गर्नुभएको छ । सुरेन्द्रले दीदीकी देवर बिजय महतो र स्थानिय राष्ट्रिय निम्न माध्यमिक विद्यालयका शिक्षक स्थानिय गोविन्द साह सोनारले मिलेर हत्या गरेको दावी गर्नुभएको छ ।

बहिनीको हत्याको लागि स्थानीय निमाविका शिक्षक गोविन्द साहले उक्साएको र साहले नै उनलाई सहयोग गर्दै आएको सुरेन्द्रले आरोप छ ।

विजयले उषालाई अवैध सम्बन्ध राख्न दवाव दिँदै आएको जानकारी आफुले भिनाजु विनोदलाई समेत बारम्बार जानकारी गराएको उल्लेख गर्दै सुरेन्द्रले भन्नुभयो, ‘प्रहरी समक्ष समेत विजयले गल्ती स्वीकार गरिसकेका छन् ।’

करिव एक महिनाअघि गाउँमा भएको भेलामा विजयले अवदेखि भाउजुसँग यस्तो दुव्र्यहार नगर्ने भन्दै सार्वजनिक रुपमा माफी समेत मागेको सुरेन्द्रले दावी गर्नुभयो ।

उहाँले भन्नुभयो, ‘विजयले चिठी लेखी उषासँग माफी पनि मागेका थिए । तर आफ्नो व्यहारमा सुधार ल्याएनन् ।’

उषा हराएकै दिन उहाँविरुद्ध चौलिखा प्रहरी चौकीमा निवेदन दिएको समेत सुरेन्द्रले जानकारी दिनुभयो ।

विजय, स्थानीय दिनेश महतो र सासु लक्ष्मी महतोलाई प्रहरीले पक्राउ गरेपनि आर्थिक र राजनीतिक दवावमा उनीहरु छुटेको दावी सुरेन्द्रको छ । हाल विजय फरार छन भने शिक्षक साहलाई प्रहरीले पक्राउ गरेको छ । यता इलाका प्रहरी कार्यालय ढल्केवरका इन्चार्ज चन्द्रनारायण त्रिपाठीले घटनाको अनुसन्धान भईरहेको जानकारी दिनुभयो । शिक्षक साहविरुद्ध किटानी जाहेरी परेकोले पक्राउ गरिएको भन्दै फरार रहेका विजयको खोजी कार्य जारी रहेको उनले बताए ।

यता घटनाबारेमा सत्यतथ्य छानबीन गरी दोषीमाथि कडा कारवाही गर्न अन्तरपार्टी महिला संजाल धनुषाले माग गरेको छ । पीडित महिला महतोकी परिवारजन, महिला अधिकारकर्मी लगायतको उपस्थितिमा संजालकी अध्यक्ष रेणु झाले हिजो जनकपुरमा पत्रकार सम्मेलनको आयोजना गरी घटनाबारे जानकारी गराउँदै दोषीमाथि कारवाहीको माग गर्नुभयो ।

घटना नियोजित तरिकाले भएको दावी गर्दै अध्यक्ष झाले पीडित परिवारजनले न्याय नपाए आन्दोलनमा जाने चेतावनी दिनुभयो ।

गत कात्तिक १७ गते घरबाट हराएकी उषाको शव १९ गते बिहान १० वजे धनुषाको लक्ष्मीनिवास–७ स्थित डालाखाडी खोला नजिक एक तिलको खेतमा भेटिएको थियो । 

About saharatimes

«
Next
Newer Post
»
Previous
Older Post

No comments:

Leave a Reply

..