» » समाचार लेखेको निहुँमा पत्रकारलाई अपहरण गर्ने प्रयास


जनकपुर भदौ २९ गते । समाचार लेखेको निहुँमा धनुषाका एक पत्रकारलाई एक समूहले निर्घात कुटपिट गर्नुको साथै अपहरणको प्रयास गरेका छन् ।

न्यूज २४ टिभी, अनलाइन खबर र आर्थिक अभियान राष्ट्रिय दैनिकका धनुषा संवाददाता राजकमल सिंहलाई धनुषा–१ का काँग्रेस सभापति नवीन गोहिवारसमेत रहेको समूहले बुधबार बिहान जनकपुरको भानु चोकमा कुटपिट गर्दै अपहरण गर्ने प्रयास गरेका हुन् ।

आफ्नो राजनीतिक छवि धमिलिने गरी समाचार लेखेको भन्दै गोहीबारलगायत उनीसँगै गाडीमा आएका सात÷आठजनाको समूहले आफूलाई अपहरण गर्न खोजेका र त्यसको प्रतिकार गर्दा ढुङ्गा र मुक्काले कुटपिट गरेको पीडित पत्रकार सिंहले बताएका छन् ।

पत्रकार सिंहमाथि आक्रमण गर्ने पाँच जनालाई धनुषा प्रहरीले तत्कालै पक्राउ गरेको छ । पक्राउ पर्नेहरूमा धनुषा क्षेत्र नं। १ काँग्रेस सभापति गोठकोयलपुर–२ का ३० वर्षीय नवीन गोहिवार, सोही गाविसका २५ वर्षीय राजदेव गोहिवार, विषरभोरा–९ का २५ वर्षीय पुष्पेन्द्र गोइत र धनौजी–८ का ३० वर्षीय सञ्जीवकुमार मण्डललगायत छन् ।

जिल्ला प्रहरी कार्यालय धनुषाले उनीहरूमाथि सार्वजनिक अपराधमा मुद्दा दर्ता गरी अनुसन्धान सुरु गरेको छ ।
घटनामा संलग्न दोषीलाई कानुनको दायरामा ल्याएर कडा कारबाही गर्न माग गर्दै जनकपुरस्थित पत्रकार महासङ्घ धनुषा शाखा, प्रेस सेन्टर, प्रेस चौतारीलगायत पत्रकारहरूको सङ्घ सङ्गठनले घटनाको भत्र्सना गरेका छन् । 

About Suresh Yadav

«
Next
Newer Post
»
Previous
Older Post

No comments:

Leave a Reply

..