» » मधेश आन्दोलनमा लागेका मुद्दा दशैं अघि फिर्ता हुने


काठमाडौं असोज २ गते । सरकारले मधेस आन्दोलनका क्रममा मुद्दा लागेका तीन सय ७४ जनाको मुद्दा दसैंअघि फिर्ता लिने प्रक्रिया अगाडि बढाएको छ ।

गृहमन्त्री विमलेन्द्र निधिका अनुसार उनीहरूमाथि १ सय ६० वटा मुद्दा छन् ।

मधेसी मोर्चासँगको सहमतिअनुसार उनीहरूमाथिको मुद्दा फिर्ताको प्रक्रिया अगाडि बढाउन महान्यायाधिवक्ता, मोर्चाका तर्फबाट कानुन व्यवसायीहरूसँग छलफल चलिरहेको छ ।

मन्त्रालयमा हिजो सुरक्षासँग सम्बन्धित सञ्चारकर्मीसँगको भेटमा गृहमन्त्री निधिले दसैंअघि नै मुद्दा फिर्ताको प्रक्रिया टुंग्याउने तयारी भएको बताए ।

मोर्चाको सूचीअनुसार ५२ जनालाई सहिद घोषणा गरेर उनीहरूका परिवारलाई १० लाख दिइसकेको र छुटेका भनिएका १२ जनालाई सहिद घोषणा गर्न छानबिन भइरहेको पनि मन्त्री निधिले जानकारी दिए ।

उपचार खर्चको रकम भुक्तानीका लागि भने बिलसहितको विवरण मागे पनि मोर्चाले सरकारलाई उपलब्ध नगराएको उनले बताए । आजको कान्तिपुर दैनिकमा खबर छ ।

About saharatimes patrika

«
Next
Newer Post
»
Previous
Older Post

No comments:

Leave a Reply

..