» » भरतराजले दुई करोड भन्दा बढीको भ्रष्टाचार गरेको आरोपमा मुद्दा दायर


काठमाडौँ, साउन २४ गते । अख्तियार दुरुपयोग अनुसन्धान आयोगले इन्जिनियरिङ अध्ययन संस्थान पुल्चोकका प्रा. डा. भरतराज पहारीले दुई करोड ४० लाख एक हजार पाँच सय ९९ रुपियाँ बराबरको भ्रष्टाचार गरेको आरोपमा विशेष अदालतमा आज मुद्दा दायर गरेको छ ।

आयोगका प्रवक्ता कृष्णहरि पुष्करका अनुसार स्रोत नखुलेको सम्पत्ति आर्जन गरेको भनी परेको उजुरी छानबिन गर्दा प्रा डा पहारीले पेस गरेको सम्पत्तिको विवरण तथा अनुसन्धानका क्रममा दिएको बयान समेतबाट गैरकानुनी देखिएको छ ।

गैरकानुनी रुपमा सम्पत्ति आर्जन गरेको र मनासिब कारणबिना आफ्नो हैसियतभन्दा बढी खर्च गरेको अनुसन्धानबाट खुलेको आयोगले उल्लेख गरेको छ । आयोगले प्रा डा पहारी र निजकी श्रीमती शोभाका नाममा रहेको चलअचल सम्पत्ति समेत जफत गर्न माग गर्दै मुद्दा दायर गरिएको जनाएको छ । 

About saharatimes patrika

«
Next
Newer Post
»
Previous
Older Post

No comments:

Leave a Reply

..