» » मधेशको माग सम्बोधन नभए देश कठिन मोडमा जाने झाको चेतावनी


महोत्तरी, माघ ११ गते । नेपाल सदभावना पार्टीका अध्यक्ष अनिलकुमार झाले मधेशको माग पुरा नभए देश कठिन मोडमा जाने चेतावनी दिनु भएको छ ।

महोत्तरी जिल्लाको सदरमुकाम जलेश्वरमा पार्टीका संस्थापक अध्यक्ष स्वर्गीय गजेन्द्रनारायण सिंहको १५ औं पुण्यतिथीको अवसरमा आयोजित मधेश आन्दोलन र गजेन्द्रपथ विषयक विचारगोष्ठीमा उहाँले सो कुरा बताउनु भएको हो ।

उहाँले कठिन मोडमा जाने भनेको देश टुक्रिने होईन की देश असफल बन्ने खतरा रहेको दावी गर्नुभयो । उहाँले भन्नुभयो, ‘पाँच महिनाभन्दा लामो बन्दको कारणले देशमा १२ खर्बभन्दा बढीको घाटा भइसकेको र अझै आन्दोलन लम्बिने हो भने देश असफल बन्ने खतरा रहेको छ ।’

राष्ट्रिय अध्यक्ष झाले भन्नुभयो, म आफै उद्योग मन्त्री भईसकेको कारणले पनि मेरो अनुभव रहेको छ । देश जति धेरै घाटामा जान्छ देश फेल्ड हुने खतरा त्यत्तिकै नै हुन्छ ।’

उहाँले देशलाई असफल हुनबाट बचाउन मधेशको माग पुरा गरेर सरकारले जिम्मेवारी देखाउनुपर्ने जिकिर गर्नुभयो ।

सरकार, सरकारमा सामेल दल र प्रतिपक्षी समेतले मधेश आन्दोलनमा जनताको उपस्थिती कम भईरहेको भन्नु अल्पज्ञान रहेको आरोप लगाउनुहुदै अध्यक्ष झाले स्थानीयको सहभागिता आन्दोलनमा नभए पाँच महिना भन्दा बढी दिनको आन्दोलन कसरी सफल भईरहेको छ ? प्रश्न गर्नुभयो ।

मधेशमा आन्दोलनरत मधेशवादीदलहरुको विरोधका वावजुद संविधान संशोधन विधेयक पारित आफुहरुलाई कुनै पनि हालतमा मान्य नहुने बताउनुहुदै उहाँले भन्नुभयो, ‘यो विधेयकले मधेश आन्दोलन र मधेशका शहिदहरुको मांगलाई सम्बोधन गर्न सक्दैन्, हामी अझै आन्दोलन गर्नुको विकल्प छैन ।’

उहाँले मधेशमा आन्दोलनको एकमात्र विकल्प नाकावन्दी रहेको बताउनुहुदै आफ्ना कार्यकर्ताहरुलाई माँग पुरा नभएसम्म नाकावन्दीलाई जारी राख्न निर्देशन समेत दिनुभयो ।

विचारगोष्ठी पूर्व सदभावना पार्टी महोत्तरीले रक्तदान कार्यक्रमको समेत आयोजना गरेको थियो । रक्तदान कार्यक्रममा १८ जनाले रक्तदान गर्नुभएको पार्टीका केन्द्रीय महासचिव सुनिल रोहितले जानकारी दिनुभयो ।

About saharatimes patrika

«
Next
Newer Post
»
Previous
Older Post

No comments:

Leave a Reply

..