» » संयुक्त लोकतान्त्रिक मधेशी मोर्चाको ताजा निर्णय यस्तो छ



संयुक्त लोकतान्त्रिक मधेशी मोर्चा

                                                                                     २०७२ पौष ७

                                             प्रेस विज्ञप्ति

संयुक्त लोकतान्त्रिक मधेशी मोर्चाको बैठक संघीय समाजवादी फोरम, नेपालको पार्टी कार्यालयमा बस्यो । नेपाल सरकार मन्त्रिपरिषद्ले पास गरेको प्रस्ताव सरकारी वार्ता टोलीका संयोजक मार्फत् मिति २०७२।०९।०६ को पत्रप्रति मोर्चाको ध्यानाकर्षण भएको छ ।

उक्त प्रस्तावले मधेशी, आदिवासी जनजाति, थारु, दलित, मुश्लिम, महिला लगायत सीमान्तकृत समुदायहरुको माग र संयुक्त लोकतान्त्रिक मधेशी मोर्चाद्वारा प्रस्तुत ११ बुँदे प्रस्तावलाई समेत संवैधानिक रुपमा सम्बोधन गर्न नसकेको साथै सरकारको उक्त प्रस्ताव ठोस रुपमा नभई अमूर्त, अस्पष्ट र दृष्टिकोणबिहीन रहेको छ । वार्ताद्धारा समस्या समाधान गर्न र मोर्चाद्धारा प्रस्तुत ११ बुँदे प्रस्तावप्रति सरकार गम्भीर नरहेको कुरा उक्त पत्रबाट नै स्पष्ट हुन्छ ।  

सो प्रस्तावमा उल्लेख भए अनुसार समानुपातिक समावेशी सहभागिताको सवाल र जनसंख्याको आधारमा निर्वाचन क्षेत्र निर्धारण गर्ने भनी संसद्मा प्रस्तुत गरिएको विधेयकले पनि आन्दोलनमा उठाइएका मागहरुलाई सम्बोधन गर्ने खालको नभई अमूर्त, अपूर्ण र अस्पष्ट हुनुका साथै जनतालाई दिग्भ्रमित पार्ने खालको रहेकोले मोर्चाले उक्त प्रस्तावलाई प्रारम्भिक वार्तामा नै अस्वीकार गरिसकेको छ । नागरिकता, समान भाषिक अधिकार, जनसंख्याका आधारमा निर्वाचन क्षेत्र निर्धारण, राज्यको हरेक निकाय, अङ्ग र तहमा मधेशी, आदिवासी जनजाति, थारु, दलित, मुश्लिम, महिला लगायत सीमान्तकृत समुदायहरुको समानुपातिक समावेशिकताको अधिकार सुनिश्चितताका साथै प्रदेशका सीमाङ्कन नसच्याएसम्म आन्दोलन यथावत जारी नै रहनेछ ।



..........................                        ................................
उपेन्द्र यादव                             महन्थ ठाकुर
  अध्यक्ष                                अध्यक्ष
संघीय समाजवादी फोरम, नेपाल                 तराई–मधेश लोकतान्त्रिक पार्टी



  ...........................                          ............................
   मनिष कुमार सुमन                         महेन्द्र राय यादव
महासचिव                                अध्यक्ष
     सद्भावना पार्टी                        तराई–मधेश सद्भावना पार्टी, नेपाल

About Suresh Yadav

«
Next
Newer Post
»
Previous
Older Post

No comments:

Leave a Reply

..