» » वार्ता हामीले होइन सरकारले भंग गरेको हो–यादव


महोत्तरी, कात्तिक १६ गते । तराई  मधेश सदभावना पार्टीका अध्यक्ष महेन्द्र राय यादवले सरकार वार्ताप्रति गम्भीर नभएको आरोप लगाउनुभएको छ ।
महोत्तरी जिल्लाको सदरमुकाम जलेश्वरस्थित पार्टी कार्यालयमा पत्रकार सम्मेलन गर्दै उहाँले एकातर्फ सरकार वार्ता गर्ने र अर्कोतर्फ शान्तिपूर्ण आन्दोलनमा गोली चलाउने कार्य गरेकाले वार्ताको औचित्य समाप्त भएको बताउनुभयो ।
शान्तिपूर्ण आन्दोलनमा गोली चलाएर सरकार वार्ताको वातावरण विथोलेको बताउँनुहुँदै सरकारको यस्तै रवैया रहे वार्ता भंग हुने चेतावनी समेत दिनुभयो ।
अध्यक्ष यादवले शान्तिपूर्ण आन्दोलनमा हस्तक्षेप नगरि सरकारले सिमाङ्कन र प्रान्तीय अधिकारसहितका बिषयमा ठोस कार्ययोजना ल्याए आफूहरु परिणाममुखी वार्ताबारे सोच्न सक्ने बताउनुभयो ।
सरकारको रवैयालाई फाँसीवादको संज्ञा दिनुहुँदै उहाँले वीरगंजमा सोमवार घटेको घटनालाई निन्दनीय बताउनु हुँदै दुःख समेत व्यक्त गर्नुभयो ।
‘सिमाङ्कन संशोधन गरेर मात्र हुँदैन’ उहाँले भन्नुभयो, ‘जिल्ला विकास समिति जत्तिकै अधिकार रहेको प्रान्तलाई स्वायत्त पनि बनाउनु पर्दछ ।’ उहाँले वर्तमान समस्याको उपचार चीन र भारतमा नभई मधेशमा रहेको भन्नुहुदै आन्दोलनमा भइरहेको दमनबिरुद्ध चीन नबोलेर पेट्रोलियम पदार्थ उपलब्ध गराउनु दुखद भएको बताउनुभयो ।
‘आन्दोलनको नाममा कुनै पनि देशको झण्डा जलाउनु उचित नभएको उहाँको कथन थियो । दुई दिन अगाडी मात्रै जनकपुरमा मोर्चाको बैठक बसेर आन्दोलनको समिक्षा गरेको बताउनुहुदै अहिंसात्मक शान्तिपूर्ण आन्दोलनलाई जारी राख्ने निर्णय भएको बताउनुभयो ।
आन्दोलन परिणाममुखी नभएसम्म जारी रहने वताउनुहुदै उहाँले भन्नुभयो, ‘मधेशको जीत नभएसम्म आन्दोलन रोकिनेवाला छैन ।’
सो अवसरमा पार्टीका उपाध्यक्ष रानी शर्मा सहित विभिन्न नेता तथा कार्यकर्ताहरुको समेत उपस्थिती रहेको थियो ।

About Suresh Yadav

«
Next
Newer Post
»
Previous
Older Post

No comments:

Leave a Reply

..