» » लक्ष्मणलाल कर्णले किन ढाँटे मलाई ?

-सुरेशकुमार यादव

अहिले यो कुरा लेख्नु कति उचित अनुचित होला भने मलाई थाह छैन तर दैनिक रिर्पोटिगं गर्ने पत्रकार भएका नताले आजको दिन लेख्नै पर्ने अवस्था आयो । यदि म आज यो लेखिन भने मलाई आउने दिनमा मलाई आत्मग्लानी भइरहन्छ । त्यसैले मैले आज यो लेख्दैछु । र, यो मेरो खण्डन पनि हो ।

 सद्भावना पार्टीले आफ्ना सभासद् सविधानसभाबाट राजिनामा दिएको घोषणा भदौं १ गरेपछि सो दलका चारजना सभासद्हरुले भदौ ६ गते सभामुख सुवाष नेम्वागं समक्ष राजिनामा बुझाएका थिए । त्यो दिन चारजनाले राजिनामा बुझाएपनि सो पार्टीले आफ्ना पार्टीका सबैजनाले राजिनामा दिएको जानकारी सञ्चारमध्यमलाई गराएको थियो ।

त्यो दिन सो पार्टीका संसद एवं सहअध्यक्ष लक्ष्मण लाल कर्णले मलाई पनि पाँचजनाको राजिनामा बुझाएको भनेर ढाँट्नु भएको थियो । पाँचजना सभासद्ले राजिनामा दिएको कुरा कर्णले भनेकै आधारमा गोरखापत्रमा मैले समाचार लेखेका थिए मैले मात्र होइन सबै सञ्चारमाध्यममा त्यस्तै समाचार आएको थियो । पछि त्यो कुरा खुल्यो कि माधवी रानी र नरसिंह चौधरीले राजिनामा नै दिनु भएको छैन ।

ती सभासद्हरुले सविधानसभाबाट मात्रै हो कि व्यवस्थापिका संसदबाट पनि राजिनामा दिएको हो भनि जानकारी लिनका लागि संसद एवं पार्टीका सहअध्यक्ष लक्ष्मण लाल कर्णलाई फोन गरेर सोधेका थिए ।
उहाँले मलाई यसरी झपार्नु भयो कि मेरो पत्रकारिता जीवनमा यस्तो आत्मग्लानी र मनमा चोट कहिल्यै पनि लागेको थिएन । दुई दिनसम्म मेरो दिमागमा त्यही कुरा खेलि रह्यो । उहाँले सिधै भन्नुभएको थियो कि तपाई कस्तो पत्रकार हुनुहुन्छ, यति पनि जानकारी छैन । पहाडी पत्रकारहरु पनि यही कुरा सोधेका छन् । तपाई पनि यही सोध्नुहुन्छ ? सविधानसभाको चुनाव र व्यवस्थापिका संसदको चुनाव फरक फरक भएको हो र ? एकै चोटी भएको छ भने एउटाबाट राजिनामा दिँदा दुईटैबाट राजिनामा दिएको भनि बुझ्नुपर्छ ।

अनि मैले भने, पत्रकारलाई सबै कुरा थाह हुन्छ भने के छ र त्यही जानकारी लिनका लागि त तपाईलाई मैले फोन गरेको हुँ नि । अनि उहाँले सविधानसभाबाट राजिनामा दिएपछि व्यवस्थापिका संसदबाट पनि राजिनामा दिएको भनि लेख्नुस भन्नुभयो र मैले त्यही लेखे । मलाई संसदीय रिर्पोटिगंको जानकारी नभएर हो कि कर्णले झुठो बोल्नु भएको हो त्यो कुराको बुझ्न व्यवस्थापिका संसद सचिवालयका प्रवक्ता डा. भरतराज गौतमलाई असोज १९ गते उहाँकै कार्यकक्षमा भेटेका थिए । मैले उहाँलाई यही जिज्ञासा राख्दा उहाँले पनि सविधानसभाबाट राजिनामा दिँदा व्यवस्थापिका संसदबाट पनि राजिनामा दिए सरह नै हुन्छ, भन्नुभएको थियो । यद्यपी उहाँहरुको राजिनामा स्वीकृत भएको छैन ।

तर, आज प्रधानमन्त्रीका लागि व्यवस्थापिका संसदमा भएको चुनावमा सहअध्यक्ष लक्ष्मण लाल कर्णसहित पाँचैजना संसदहरुको उपस्थिति मैले पाए । मैले त उहाँलाई सिधै सोध्ने हिम्मत त गरिनन् किनभने फेरि उहाँले मधेशी पहाडिको कुरा ल्याएर रिसाई देला कि जस्तो लाग्यो तर अरुबाट मैले बुझ्दा उहाँले अरु अरुलाई भन्नु भएको छ कि हामी सविधानसभाबाट मात्र राजिनामा दिएका हौं व्यवस्थापिका संसदबाट होइन ।

यदि आज उहाँले यो कुरा भन्नुभएको छ भने पहिला भन्दा के बिग्रिन्थ्यो । क्रान्तकारी हुनलाई जे पनि भन्दिने, अनि मौका आयो भने केही पनि बाँकी नराख्ने प्रवृति राखेर राजनीतिलाई लामो समयसम्म टिकाउन सकिदैन । यो बीचमा उहाँहरुले राजिनामा दिएपनि सुविधाहरु लिएको कुराहरु सञ्चारमाध्यममा आएका छन् । ती समाचारहरुमा पनि सहअध्यक्ष कर्णले आफूले कुनै सुविधा नलिएको प्रतिकृयाहरु दिनु भएको छ । यी कुराहरु मैले नबुझेको हो कि उहाँले ढाँट्दै आउनु भएको छ । फेरि पनि भन्दैछु मैले यो कुरा आज यो कारणले लेखेको छु कि सहअध्यक्ष कर्णले मेरो पत्रकारितामाथि नै प्रश्न चिन्ह खडा गर्दिनु भएको थियो । जुन मलाई निकै हर्ट गरेको थियो र त्यसैको जवाफ आज दिएको हुँ । अन्यथा केही पनि होइन ।

About saharatimes patrika

«
Next
Newer Post
»
Previous
Older Post

1 comments:

  1. Madesh ka chutiya neta k gardarahe6an vanne balla thaha paunu vayo? Yo aandolan madhes ko kunai halat ma pani haina! Bharat ko ho ra Bharat le nai aajako sansad ma yiniharuko lyayeko ho communist lai rokna!!! So bichar garnus aafai!!! Angikrit lai karyakari adhikar khojera bamsaj ka aadhar ma Nepal bhumi ma baseka Nepali madhesi ko bui chadna ko lagi yi chutiya le Bharat ko agenda bokera hideka 6an! Chetana hos!!! Yi chutiya Nepal ka nagarik nai hun ki hainan bamsawali nai khojnu parne vaisakyo!

    ReplyDelete

..