» » सांसद् यादवको घरमा ग्याँस सिलिण्डर बम

सप्तरी, कार्तिक ९ गते । सप्तरी निर्वाचन नं.६ का नेपाली कांग्रेसका प्रत्यक्ष निर्वा्चित सांसद सुरेन्द्र यादबको घरमा अज्ञात समूहले ग्यास सिलिन्डर बम राखेको छ । राजविराज—५ स्थित सांसद यादबको घरमा बम राखिएको जानकारी पाएपछि पुगेको सेनाको टोली बम निस्क्रिय पारेको छ । राजविराज स्थित कृष्ण दल गणको टोलीले सिलिन्डर भएको क्षेत्र नियन्त्रणमा लिएर बम निस्क्रिय पारेको हो ।

घर रुग्न बसेका कामदारले बिहानै बारुद र ग्यास जस्तो पदार्थ गन्हाएपछि शंका लागेर खोजी गर्दा घर पछाडिको कम्पाउन्डमा सिलिन्डर बम देखेका थिए। लगत्तै उनले प्रहरीलाई खबर गरेका थिए। पाँच किलो ग्यास जाने सिलिन्डरमा तारले बेरिएको अवस्थामा थियो।

राजविराज—रुपनी सडक खण्डको छेउमा पर्ने सांसद यादबको घरमा बम भेटिएको हल्लासँगै त्यहाँ ठूलो संख्यामा सर्वसाधारणको भिड लागेको थियो। आन्दोलरत संयुक्त लोकतान्त्रिक मधेसी मोर्चाको जारी आन्दोलनमा सप्तरी अन्य जिल्लाको तुलनामा अराजक देखिइरहँदा सोमबार बिहान सांसद यादबको घरमा सिलिन्डर बम भेटिएको हो। बम राखेको जिम्मेवारी कसैले लिएको छैन।

About saharatimes patrika

«
Next
Newer Post
»
Previous
Older Post

No comments:

Leave a Reply

..