» » एक महिना देखी तराइमधेश ठप्प, जनजीवन कष्टकर

सप्तरी,भदौ २८ गते । सीमाङ्कनको विरोधमा उत्रिएका संयुक्त लोकतान्त्रिक मधेसी मोर्चाले जारी राखेको अमहडतालको आज ३१ दिन पूरा भएको छ ।

लगातारको बन्दका कारण सप्तरीको जनजीवन अत्यन्त कष्टकर हुनुको साथै बजार पूर्णरुपमा बन्द भएपछि दैनिक खाद्यान वस्तुमा महङ्गी बढेपछि उपभोक्ता मारमा परेका छन् ।

यहाँ विगत एक महिनादेखि लगातार यातायातको साधन नचल्दा दैनिक उपभोग्य सामग्री तथा आवश्यक खाद्यान्न वस्तुको अभाव हुनुका साथै डिजेल र पेट्रोलको समेत अभाव भएको छ ।

त्यस्तै राजविराज– १ स्थित मुख्य व्यापारिक क्षेत्र हटिया पनि विगत तीन दिनदेखि पूर्ण बन्द रहेकाले खाद्यान्न वस्तु, सागसब्जी र प्याजको अभाव भएपछि व्यापारीहरुले आफूखुसी मूल्य निर्धारण गरी उपभोक्तालाई महँगो मूल्य लिएर बिक्री वितरण गरिरहेको पाइएको छ ।

यहाँको बजारमा अहिले व्यापारीहरुले प्याजको भाउ रु १२० मा बिक्री भइरहेको छ । अधिकांश व्यापारीले बन्दको मौकामा खाद्यान्न वस्तुलगायत प्रत्येक समानमा दोब्बरको भाउ लिई ठगी गरेका छन् ।

बन्दका कारण बजारमा मोबाइलको रिचार्जसमेत पाउन समस्या भइरहेको सप्तरी पोर्ताहा–६ का मोबाइल उपभोक्ता महानन्द यादवको गुनासो रहेको छ । लगातार ३० दिनदेखिको बन्दले जिल्लामा उद्योग, कलकारखाना, व्यापार, शैक्षिक सङ्घसंस्थालगायत सबै ठप्प रहेको बताइएको छ ।

बन्दका कारण एक महिनादेखि जिल्लाको प्रत्येक स्कुल कलेज बन्द भएपछि विद्यार्थीले पढाइ गर्नबाट वञ्चित भएको विद्यार्थी बताउँछन् । साथै सेवाग्राहीहरु सरकारी कामकाजका लागि सदरमुकाम राजविराज आउन छाडेपछि यहाँका सरकारी कार्यालय सुनसान देखिएको बताइएको छ ।

त्यस्तै मधेसी मोर्चाको महिना दिनदेखिको जारी बन्दका कारण सदरमुकाम राजविराजबाट चल्ने लामो तथा छोटो दूरीको सवारी साधन चल्न दिएका छैनन् भने पूर्व–पश्चिम राजमार्गको भारदह, कञ्चनपुर, रुपनी, कल्याणपुरलगायतको ठाउँमा ढुङ्गा र रुख ढालेर सडक अवरुद्ध पारेका छन् ।

सीमाङ्कनको विरोधमा उत्रिएका सङ्घीय समाजवादी फोरम नेपाल, सद्भावना पार्टी, तराई मधेस लोकतान्त्रिक पार्टीलगायतका मधेसवादी दलले अनिश्चितकालीन तराई मधेस बन्द आह्वान गरेका छन् । रासस

About saharatimes patrika

«
Next
Newer Post
»
Previous
Older Post

No comments:

Leave a Reply

..